White Lady

May nakita akong White Lady sa Auckland!
Meron talaga! Hindi ako nagsisinungaling. Ito siya oh...

White Lady fast food burger

Para sa mga Pinoy, hindi ito ang white lady na nakikita sa Balete Drive o ang nagpapakita tuwing Halloween. Hindi din ito ang mythical creature nating mga creative minds. Ito ang white lady ng mga gutom na puti(caucasians). 

Ang White Lady ay isang fast food burger bus on wheels. Nagsimulang mambusog ang white lady na ito nung 1940 sa mga kabataang galing sa pubs o bars, inshort, mga lasing. Ito ay matatagpuan sa Commerce Street malapit sa Queen Street. Huwag niyo ng balaking puntahan siya sa umaga dahil katulad din ng white lady natin sa Pinas, gabi lang siya nagpapakita.

 

Lagi ko itong nadadaanan pauwi kapag galing ako sa Queen Street. Nacurious ako dito at bago pa mahuli ang lahat, tinikman ko ang isa sa kiwi-style burgers nila.

Hawaiian Burger for NZ$ 8.50  x 35=PHP 297.50

Sa totoo lang, wala namang masyadong extra ordinary sa burger nila. No much difference than a Mc Donald's burger or any other fast food chain 'yun nga lang, hindi ito nakakasuya. I think it's really just the feel of it - ang umorder sa isang mobile burger chain na kasabay ang mga kabataang Kiwing party animals. Nevertheless, I enjoyed the experience. :)


Auckland, July 2011

Mummy and baby friendly mall

Habang naglilibot sa Sylvia Park Mall, napansin ko na ang madaming shops dito para sa mga babies. Parang ito ang haven ng mga nanay sa pamimili ng mga gamit ng mga tsikiting. Wide variety of prams, damit at kung ano anong aksesorya ni baby. Ngunit hinid ko ito pinagtuunan ng pansin hanggang sa magpunta kami sa toilet para sa aking pamangking si Eric. Katulad ng ibang mall, mayroong pintuan para sa women, men at parents. Sumama ako sa ate at pamangkin ko pagpasok sa toilet at hindi sa pagmamalabis pero namangha ako sa toilet. Nakakatawa man ako pero kahangahanga naman talaga. (1st time ko kasi makakita ng ganitong toilet)

Hayaan niyo akong ipakita sa inyo ang aking mga nakita.

ang aming pass para makapasok sa parents toilet

playpen ba ito? o pwedeng pram parking

very cozy changing table for baby ang mummy

kita mo nga naman yan. may microwave pa para pwedeng initin ang pagkain ni baby

para initin ang bottled formula milk ni baby

locking and unlocking the door (looks techie to me)

(paumanhin sa mga sensitibo)  one for mummy and one for the little rascal

Ito ang humuli ng pansin ko. Ano ito sa iyong palagay?
Ito ang upuan ni mummy kung siya ay nagbrebreastfeed.

Hindi nga ba nakakatuwa ang toilet na ito? Personally, ako ay napahanga at natuwa sa toilet na ito dahil sa dami ng malls na aking napuntahan, ngayon lang ako nakakita ng ganitong uri ng toilet.


Sylvia Park Mall, Auckland, July 2011

VOTE for ERIC!

Please vote for my cutest nephew, Eric, at OH Baby New Zealand!

Instructions:
1. Click - http://www.ohbaby.co.nz/community/ohbaby!-baby-of-the-year/entries.
2. Go to page 67
3. Look for Eric. He is on a white basket.

Eric

4. ClickVOTE.


Cast your votes until August 31, 2011

I would highly appreciate your support.
Thankyou in advance!

Regalong Pampabata

 Nagring ang telepono. May package daw para sa ate ko. Wala kaming inaasahang magpapadala ng package noon pero bumaba na din ang nanay ko para kunin ito. Pagkakita ko nito, walang nakasulat kung kanino galing. Mayroong sticker lang ng "Reach Me LTD" isang kumpanya na nagbibigay ng mga LIBREng sampol ng mga gamit pambata. Excited akong binuksan ito (kunwari sa akin). At natuwa ako sa mga laman nito. 

ang kahon

 ang mga laman ng kahon

Carnation Evaporated Milk

masarap pang agahan ni baby

Milo, isang kutsara at marmite (ang paboritong palaman sa tinapay ng mga Kiwi)

dalawang nappy(diaper) pants at ointment para sa nappy rash

 mga sabong para sa sensitibong kutis ng bata

mga babasahin para sa ina at isang $450 gift certificate para sa libreng photoshoot ni baby

may ari ng package - isang taong gulang kong pamangkin

Bigla kong naisip ang mahal kong bansa. Magkakaroon kaya tayo ng katulad nito? Hindi lamang kasi ilang sampol ng pagkain o gamit ang binibigay ng gobyerno nila dito sa NZ kundi mayroon ding scheduled na dalaw ang midwives at nurses sa mga ina at mga sanggol upang tingnan ang kanilang kalagayan. Nakakatuwa ito para pamilya lalo na sa mga ina dahil may sapat na suporta ang gobyerno sa kanyang sanggol. 

Sabi nga nila, hanggang may buhay, may pag-asa. Sana nga ay dumating din ang araw na magkaroon din tayo ng sapat na suporta galing sa ating gobyerno at hindi tayo kakabahan sa kalusugan o paglaki ng mga bata at lalo na sa kinabukasan nila.

Culture Shock #1 - Kulturang Kiwi

Kiwi - ito ang tawag sa mga tao ng New Zealand. Parang Pinoy para sa mga tiga-Pilipinas. Ngunit maari din itong gamitin para sa kanilang kilalang prutas. Simple lang, lagyan lang ito ng salitang "fruit" sa dulo at iba na ang ibig sabihin. Maari din itong gamitin para sa kanilang ibon, lagyan lang din ito ng salitang "bird", at presto! may ibang ibig sabihin nanaman ito.

Habang andito ako sa New Zealand, masarap makipagwentuhan sa mga kapwa Pinoy tungkol sa kanilang mga karanasan dito. Minsan ay aming napagkwentuhan ang tugkol sa opisina at napunta sa pagsisipilyo ng ngipin (iwanan nalang nating missing link kung paano napunta dito ang usapan).

Ilang beses ba tayo magsipilyo ng ngipin? Minsan, tatlo, minsan lima. Tatlo kung nasa bahay ka lang (umaga-tanghali-gabi). Lima naman kung nasa opisina ka - Una: pag-alis ng bahay, Pangalawa: pagkatapos mag agahan sa opisina, Pangatlo: pagkatapos ng pananghalian, Pang apat: Pag alis sa opisina para fresh breath pag nag abot ng bayad sa jeep at panglima: pagkatapos ng hapunan. Ganyan tayo kalinis, hindi ba? Ngunit ang mga Kiwi (kasama na din siguro ang mga nasanay dito. baka may mga Pilipino na din), hindi pala sila nagsisipilyo sa opisina nila. Kwento ng aking bayaw na isang Ostraliano, nang makakita daw siya ng isang Koreanong nagsisipilyo sa opisina nila, ang naisip daw niya ay baka may problema siya sa ngipin. Sabi din ng ate ko, pinagtitinginan daw sila ng mga puti kapag nagsisipilyo sila pagkatapos mananghalian.

Kita mo nga naman no? Ikaw na nga ang naglinis ng ngipin, ikaw pa ang may problema. Yan ang isang nagpapakulay ng Kultura ng kanya kanyang lahi.

Ngunit kung iisipin mo, bakit nga ba ganoon? Ano ba ang mga maaring dahilan bakit hindi sila nagsisipilyo pagkatapos mananghalian, pero, fresh breath pa din sila? Isang maaring dahilan ay ang kanilang diet. Ano nga ba ang pananghalian ng mga puti? Green salad, rolls, pasta. Walang masyadong sarsa at hindi lumalangoy sa mantika.

Tayo namang mga Noypi? Dahil tayo ay sadyang mapagmahal na lahi, kahit pagkatapos mananghalian ay gusto pa rin natin makakwentuhan (o tawagin natin tsismisan) ang ating mga opismates. At ang pagsisipilyo ay isang napakagandang panahon para gawin ito. Mapunta naman tayo sa mga pagkain natin? Mayroon tayong adobo, binagoongan, paksiw na isda, pinakbet, longganisa na may garlic rice(tirang pang agahan) at kung ano ano pang masasarsa, mamantika ngunit napakasarap na mga pagkain. Isama na natin ang mga kasama nating Asiano lalo na ang mga Koreano. Isipin niyo nalng kung hindi sila nagsipilyo pagkatapos kumain ng Kimchi! O Ano? Kaya niyo?

Nawili ba kayo sa kulturang Kiwi?

(Napagsabihang isulat ito sa Filipino/tagalog)
Auckland, June 2011